世界之大，人同人撞樣都係好正常嘅事，不過同古人撞樣就係好得意嘅事喇！
近日有網民發現，朱栢康同清末武術家霍元甲神撞樣，仲以主題為「我以為霍元甲張相係朱康嚟」將二人嘅樣合埋對比，唔少網民都認同二人相似。從相中可見，朱康同霍元甲輪廓相似，一樣有深邃眼神，網民睇完都話：「根本同一人」、「輪回轉世」、「有冇見過佢哋同場出現」，仲有人提議應該要開戲俾朱康做霍元甲，由楊偉倫接甄子丹棒成為霍元甲徒弟，新一代陳真，肯定會有好得意嘅化學效果。
不過除咗朱康，圈中唔少藝人都同古人撞樣，就好似古巨基同孫中山、羅嘉良同革命烈士賀瑞麟，但最令人覺得好笑嘅就莫過於係歐陽震華同光緒帝嘅瑾妃係餅印樣，令人覺得世上可能真係有輪迴一事。
