謝安琪 同 張繼聰 嘅大仔張瞻（James）話咁快已經18歲，早前阿Kay、阿聰同埋細囡Kakaball一家送James去澳洲開學，阿Kay喺入閘分別時更忍唔住掩面痛哭。返港後，阿Kay就喺社交平台分享喺澳洲時嘅點滴。
阿Kay透露喺墨爾本兩星期幾乎日日都有陽光，同老公會一齊吹海風扮浪漫，仲話：「今次租住嘅Apartment，樓下就有一間好正嘅Cafe，多謝張先生每朝早都幫我落去買靚咖啡，等我一起身就有得飲，呢張係真係一起身就影嘅，仲未刷牙，飲完咖啡先刷牙」。而喺情人節嘅時候，張家一家四口食飯慶祝，仲獲贈一個心形蛋糕，氹到阿Kay好開心，仲覺得好甜蜜。
阿Kay仲話，離開澳洲當日囝囝唔使返學，所以可以送大家到機場，一家人搵間靚cafe，飲杯靚咖啡先至出發。至於心情係點？阿Kay就話：「大家笑容滿面但係心情複雜」
