內地女花旦 迪麗熱巴 近來是非一浪接一浪，繼早前傳出陰謀論指佢有可能遭遇不測，近日又因中東戰火連天而受牽連。原定近日出席巴黎時裝周品牌活動嘅佢，日前於杜拜轉機時，因受當地遭伊朗空襲影響而滯留，事件唔止令Fans怒斥安排，亦非常擔心女神安全。
其工作室與經理人公司，先後發佈聲明，指熱巴已確定無緣參與名牌邀請嘅巴黎時裝周活動，聲明指受不可抗力因素影響，雖已盡最大努力作各種嘗試，仍因現實情況所限未能飛抵巴黎。又強調熱巴目前一切平安，與團隊一齊互相照應，請外界無需擔心。
不過Fans們就群起指責安排失當，網上指團隊主要成員均直飛巴黎，而官方早於27號已發佈中當地區安全預警，唯團隊仍安排藝人經杜拜轉機，導致熱巴滯留當地近3日，更指稱團隊安排出錯已非首次出事，今次事後更有網上連署要求解僱相關人員。據指迪麗熱巴一行星期二晚已離開阿聯酋。
