音樂監製 伍樂城 積極培育新人，為樂壇注入新血。繼Honey Punch後，踏入2026年，Ronald力捧只得9歲大嘅小女孩Isabella吳欣彤，更為佢推出跳唱歌曲。Isabella睇到新歌MV成品之後，就表示同想像中嘅繽紛世界一樣。講到喺海邊取景拍攝當日，Ronal不時緊張提醒Isabella要小心，唔好走近海邊，以免有意外。
唔好睇Isabella年紀細細，佢嘅工作態度同好多資深歌手一樣專業，好多時喺錄音室錄完一次之後，正當監製研究成果時，佢會主動講：「唔得唔得，再嚟多次。 」Isabella對跳舞訓練，同樣高要求，會主動同排舞老師提議嘗試唔同方向跳，以求最好效果。
Isabella喺8歲時參加「小歌手的誕生」大賽，雖然未有得獎，不過默默努力下打動公司，終簽下藝人練習生合約，並接受專業訓練。出道後仲以「DJ Isa」身份參與大型慈善舞台。
Isabella希望新歌能令大家聽得開心，即使遇到唔順境嘅事，都要記住仲有光，等着大家一齊閃耀。