吳文忻日前作客《流行都市》接受《TVB娛樂新聞台》訪問，談及身體近況，並透露早前一班好姊妹喺酒店為佢舉行「生前追思會」，文忻覺得此舉好似畀咗個「加油站」佢，令佢充滿力量去迎接每一天。
有份出席聚會嘅彭秀慧分享當日嘅相片，相中完全冇離愁別緒感覺，反而有一種溫暖窩心幸福感，彭秀慧寫上心底話「動機很簡單，希望你快樂。回報就是大家都很快樂，友誼永固」。其實文忻同彭導係自六歲起，識於微時嘅朋友，多年嚟保持呢份真心友誼。
正如文忻日前接受TVB娛樂新聞台訪問時，特別多謝呢位好友，因為對方喺自己最低潮時，每日都打電話關心，給予佢被愛感覺，跨過日日以淚洗臉嘅日子，從而積極面對人生。
