美國與伊色列向伊朗發動攻勢，中東局勢緊張，鄰近地方均受戰火影響，大批旅客及香港人滯留杜拜。陳浩民、老婆蔣麗莎及外父外母早前出發到杜拜工作，3月1號蔣麗莎曾喺互網發文指滯留杜拜，人生第二收到轟炸警報，非常恐慌，當時已向大使館登記盼望獲得援助，並祈求一切平安，早日回家。
輾轉經過幾日後，夫妻於3月5號凌晨終於返到香港並喺社交平台開直播報平安，面對難以估計嘅逆境，陳浩民揚言已作出最壞打算，透露上機前已將銀行卡密碼告訴家人，若真的出事起碼對家人有後著。兩人又分享呢幾日嘅避難生活，為咗方便逃生，選擇入住兩層高嘅低層酒店。連日來，蔣麗莎則不停喺旅遊APP購買機票，來回經歷訂機票又被取消。
幸好最終兩人買到4張機票返港，當下簡直難以置信般嘅喜悅，又話機票價錢並非網傳天價，經濟艙機票約1萬零一千元左右，而商務艙大概2至3萬元。一行四人當日凌晨4點起身趕往機場，當時成功登機，但空中隨時有導彈飛過，所以大家仍然非常緊張。
陳浩民話在當地經常聽到防空警報，亦會見到導彈於頭頂上空飛過，又坦言自己不及老婆鎮定，情緒曾經陷入焦慮，幸有老婆安慰。最後，二人指今次經歷就如共度生死一樣，以前覺得和平係理所當然，現在感覺就似發咗一場夢。