張耀揚喺電影《古惑仔》系列中所飾演嘅東星「烏鴉」一角深入民心，雖然張耀揚已經棄影從商多年，不過佢仍然Keep有同圈中朋友聯絡，呢日佢就同一眾好友飯聚，當中包括東星社龍頭「駱駝」陳惠敏。
現年80歲嘅陳惠敏，可能因為著上顯瘦嘅黑色衛衣關係，所以睇落消瘦咗唔少，不過陳惠敏嘅精神就相當唔錯；而企佢身後嘅張耀揚，則剛好相反，着上白色連帽衛衣配駝色大褸，同陳惠敏組成黑白配。
張耀揚同陳惠敏嘅飯聚照被友人上載到社交平台後，即引嚟網民圍觀，有人以烏鴉喺戲中一言不合就反枱嘅行為，留言揶揄：「某位老寶寶不可以掀桌哦」，亦有網民笑言呢次飯聚係東星嘅字頭聚會。
