容天佑上年11月迎娶富貴圈外女友扶天恩(Winnie)升呢人夫，婚後唔夠三個月就宣布太太有喜，間接透露擺酒時經已雙喜臨門。天佑兩公婆對小生命嘅來臨非常期待，仲喺IG搞咗個估性別投票活動，要大家估下BB係仔定女。
天佑陪太太Winnie影咗輯大肚寫真，相中見到Winnie嘅肚已經好有份量，不過四肢依然纖瘦，當中一款造型Winnie以白色ruffle披肩圍住上身，露出渾圓嘅孕肚，依偎喺天佑身上，天佑亦露出幸福笑容，非常sweet。
天佑寫到「你哋估吓呢個肚似係仔定女」，並且預告下個星期將會開估，大家不妨去投下票，分享佢哋嘅喜悅。