3月5號係張馳豪 31歲生日，日前佢出席活動接受我哋 TVB娛樂新聞台訪問嗰陣，就話自己唔鍾意慶祝生日，所以唔會約朋友食飯，仲叫大家唔好送蛋糕俾佢，因為佢唔食。不過佢嘅兩位好朋友潘靜文同林智樂，好明顯冇睇我哋呢段訪問啦！Aska呢頭講完唔鍾意慶祝生日，嗰頭Sherman同Felix就帶住蛋糕去電台送驚喜，不過見佢兩個咁有心，計啱時間準時12點踩上電台，相信呢份心Aska都一定感受到啦！

面對好友嘅突擊慶祝生日，Aska雖然驚訝但都笑得好開心，仲不忘許願祝TVB收視長虹，咁識講嘢，我哋娛樂新聞台都祝Aska開開心心、出多啲新歌、拍多啲好劇，最緊要當然係身體健康！