《中年好聲音4》導師分組賽今個星期來到合唱環節，三組學員要輪流演繹BEYOND、王菲同林憶蓮嘅經典歌。前幾round蒙面嘅藝員，除低動物面罩陸續以真實身份出戰，今個星期會登場嘅包括羅天宇，佢將會同隊友朗尼合唱王菲嘅《曖昧》，而周志康同莫家淦就會合唱林憶蓮嘅《為何他會離開你》。
myTV SUPER重溫《中年好聲音4》精彩內容
合唱賽partner之間嘅良好默契絕對係致勝關鍵，楊嘉瓏初初知道要同鄭仲豪合唱Beyond嘅《歲月無聲》，覺得壓力好大，好彩仲豪不停從旁鼓勵先令到自己增加自信心。尹景順同馬浩宜合唱王菲嘅《夢中人》同樣展現出絕佳默契。
呢round係導師分組賽，顧名思義導師嘅幫助相當重要，可嵐同謝昉益就大爆銀老師仲緊張過佢地，「我哋冇諗過10日可以見到老師8次，其實係老師chur番我哋轉頭。」
