吳業坤疑似升呢即將做爸爸老婆影神社安產御守引懷孕揣測

吳業坤（坤哥）同日籍太太浜口愛子2022年結婚，感情甜蜜恩愛。近日突然傳出坤嫂疑似有喜，坤哥要升級做爸爸嘅好消息！

愛子日前喺社交平台限時動態分享到神社參拜嘅照片，從圖中可見，佢所去嘅神社係出名祈求姻緣嘅日本神戶生田神社，不過最惹人注目嘅係，愛子特登影「安產守」、「育守」嘅御守相，呢兩個御守都係有祈求母親生產順利、小朋友健康成長嘅意思。所以大家都估緊愛子係咪低調有喜，怕「小器」而未公開好消息。