葉蒨文 ( Sophie )同 曾展望 ( GM )呢對GPS CP人氣極高，成為戀愛真人騷《女神配對計劃》最有人氣嘅一對。二人唔只喺合體工作騷恩愛，私下喺社交平台係完全唔客氣咁放閃派糖，甜到一眾CP粉暈一暈。
呢段姻緣令Sophie同GM工作量急升，Sophie最近仲解鎖新成就，就係為翡翠台星期一至五晚上九點半播出嘅內地古裝劇《機智女法醫2》唱片尾曲。
Sophie、GM為咗慶祝呢件喜事，更相約撐檯腳。Sophie喺社交平台騷出多張大啖食壽司、飲清酒嘅照片，又還冧爆依偎喺曾展望膊頭上，一齊合照派心合照，真係好Sweet。
