鄭丹瑞長女鄭瑤日前誕下囡囡，鄭瑤喺3月7日喺社交平台先上載咗一張同囡囡嘅溫馨合照，並表示係「人生最好嘅生日禮物，雖然有少少痛楚」，隔咗一陣，鄭瑤又上載咗幾張全家福。
其中一張相爸爸鄭丹瑞、媽媽，仲有老公都有入鏡，佢哋仲一齊凝望BB，感覺相當溫馨！另一張相係鄭瑤po咗1993年旦哥推出嘅專輯主打歌《那夜我替女兒挍背脊》嘅唱片封面，鄭瑤仲感觸留言寫道：「嗰陣時俾Daddy拗背脊嗰個女，而家自己都有個女啦」佢仲鬼馬Tag爸爸，問爸爸「can now 拗his孫女背脊」。
鄭瑤特別感謝醫生團隊，喺長達23小時嘅生產過程中，給予幫助同悉心照顧，過程雖然艱辛，但一切值得。
