麥美恩開工收驚喜補過生日 踏入轉字頭年紀許願盼快啲嫁得出

麥美恩日前為廣告進行拍攝，適逢拍攝當日係Mayanne生日翌日，所以工作人員好貼心為佢準備蛋糕補祝生日，令Mayanne相當驚喜。39歲Mayanne喺許生日願望時，表示希望快啲嫁得出，亦希望追星順順利利，追咩有咩！

呢個生日驚喜令Mayanne感到意想不到，皆因佢為咗以最好狀態拍攝，喺生日當日謝絕飯局，亦叫父母唔好叫佢食嘢，估唔到會喺拍攝日收到蛋糕同花。講到修身狀態，Mayanne就覺得今年係最舒服嘅一次，自己好滿意上鏡效果。