余香凝、廖子妤、陳穎欣、鄧濤、許恩怡等出席新戲首映禮，繼電影《骨妹》後，Jennifer同Fish相隔十年再合演情侶，兩位話感覺好親切，默契更係有增無減呀，Fish話感覺返晒嚟，問到佢哋今次嘅親密戲有幾激？Jennifer 就竟然話唔太激，係老少咸宜呀﹗
Jennifer同Fish 呢次嘅戲份雖然未夠激，但就得償所願有咀戲，佢哋期待下次合作可以再激啲，Fish大膽表示尺度無限，嚇到大家嘩嘩聲，Jennifer話相信老公唔介意，決定挑戰吓佢底線。
Yanny一月先啱啱喺澳洲完婚，Jennifer 同Fish有參與其中, Fish話好恨有個咁正嘅婚禮，笑指Yanny拉高咗婚禮標準，至於問到Yanny造人大計？佢就話未有呢方面計劃，做好電影大計先喎。
柏安妮囡囡許恩怡，一直喺影壇默默耕耘，演技亦備受肯定，未試過演親密戲份嘅Natalie都心郁郁想挑戰下。