紅遍全球嘅韓國女團BLACKPINK，無論成員去到邊都成為焦點，不過成員Lisa今次去到東京，就反而化身Fans去朝聖另一個全球焦點，佢就係近期喺全球爆紅，居於千葉縣市川市動植物園嘅獼𤠣Panchi喇。
唔少人喺網上見到Panchi被𤠣群離棄，以及終日與紅毛猩猩公仔為伴嘅短片後，都希望親身到動植物園探望Panchi，而愛心滿瀉嘅Lisa亦係其中之一，佢仲特別帶埋同Panchi至愛嘅同款毛公仔探望，離遠同Panchi揮手打招呼，希望吸引Panchi注意，Lisa全程舉止可愛。
Lisa今次以私人性質到訪，所以刻意作低調打扮，雖然未能親身接觸Panchi，但佢都為Panchi影咗唔少可愛相片，並於社交平台分享。
