中學生活係人生其中一個最重要階段，由懵懂到慢慢了解生活，由童年邁向成長，大家身邊唔少朋友都可能係自中學已經成為半輩子好友，中學生嘅幾年快樂美好生活印象，深深刻印腦海之中。
近日香港一間老牌學校慶祝創立100周年，唔少曾為校友嘅演藝圈中人，就紛紛出手協助，為母校獻聲出力紀念喇。資深電視製作人 蕭潮順 於社交平台公開母校百周年紀錄片，義務聲音導航嘅就有校友 周國豐 ，蕭潮順 更指曾為母校周年紀念歌曲演唱嘅 彭羚 同 陳秋霞 主動出錢出力，協助紀錄片問世。
影片運用唔少AI技術製作，將百年來學校同九龍城周邊嘅發展都一併收錄當中，而2016年時由 陳秋霞 彭羚 以及 林志美 合唱，以校訓為創作靈感嘅紀念歌曲，亦趁今次重新剪輯MV再推出，當年3人更重返校園演出。
