米雪、戴祖儀 同 海兒 現身舞台劇記者會，米雪多年來飾演無數經典角色，今次舞台劇導演就好鍾意佢喺劇集《溏心風暴之家好月圓》中紅姨一角，特別安排佢重現呢個霸氣嘅造型。米雪話見到有唔少對演藝有熱誠嘅年青新血入行，令佢好開心，若果遇到合適嘅角色，佢會繼續參與幕前演出。
今次係Joey首次參與舞台劇，仲要應付獨腳戲演出，佢話心情既緊張又興奮。至於第二次參演舞台劇嘅海兒，同樣為獨腳戲演出而感到壓力。
Joey之前透露遇到男藝人瘋狂追求，佢話經已截斷晒對方嘅聯絡方法，並澄清對方並非TVB藝人。問到對方最進取行為時，Joey就話係對方不請自來，有次更突然現身自己同閨蜜好友日常聚腳嘅工作室，仲走入單位當中，幸好對方講完想講說話就按要求離開，無騷擾到閨蜜們。
