衛詩雅想孖連詩雅接工作 陳家樂拓展社交圈爭取工作

衛詩雅 同 陳家樂 孖住出席活動，兩人經已有一段時間未試過拍檔搵錢，Michelle仲提議同 連詩雅 一齊接Job，點知家樂就話自己要一齊出現，仲強調自己唔係電燈膽，因為佢係兩位詩雅中間嘅膽。

性格被動嘅家樂，領悟到工作機會係可以透過結交朋友得嚟，好似佢哋出席嘅開張活動，客戶就係同佢一齊師承同一足球教練喇。家樂仲話之前電影《不日成婚》都係好例子，因為佢當日送有腳傷嘅衛詩雅去試鏡，點知導演覺得兩人之間嘅默契好得意，所以就將家樂加入成為男主角。

家樂話囡囡今年已識得同人拜年，利是成績比舊年好，太太經已將利是錢設立讀書基金，家樂話嚟緊係為面試學前班而煩腦，因為囡囡個性好動，但如果坐定定就會唔出聲，所以擔心佢面詩時唔肯開口講嘢。