StarTalk一氣呵成版丨田啟文遇好劇本演慈父 被余香凝讚演技自帶喜感

田啟文 同 余香凝 作客《StarTalk》接受 王鎮泉 專訪，大談新戲《雙囍》合作難忘事。田啟文話事前完全唔識余香凝，直至電影圍讀時，父女兩人先初次接觸，佢大讚余香凝好戲。對於電影獲觀眾指感人，佢哋覺得可能係故事令到觀眾有共鳴而被感動。

近年甚少於幕前演出嘅田啟文，直認見到今次戲中對手全是實力演員，加上故事吸引令佢二話不說就答應演出。佢事前都問導演係咪想佢以喜劇方法演繹，導演就希望佢唔好刻意搞笑，最後佢喺戲中都收起搞笑功夫，不過余香凝指「爸爸」本身就自帶喜感，有時一句簡單對白，就令大家忍唔住笑。