周柏豪 早前接受《星光路上》 潘盈慧 專訪，已經邁向入行20周年，近年專注發展內地市場嘅佢發展不俗，佢回望亦認為近廿載旅程亦非常開心。歌手出身但同事演戲，柏豪認為係有運氣眷顧加上天才波補救，當年首部電影與 洪卓立 陳柏宇 一齊上陣，又被斥責下一路成長，亦不時回顧當時稚嫩嘅演技同歌喉，鞭策自己持續進步。
參與劇集《多功能老婆》扮年下男戀上 楊千嬅 ，柏豪就笑言得戚傲氣似足暗地裡嘅自己，雖然劇中非常口花，不過現實中佢就自認儀式感十足，非常重視小細節，唔止對老浪浪漫，對囡囡生日亦非常一絮不苟。
《使徒行者2》中嘅佢轉身變成假冒臥底，由頭打到尾嘅佢，仲認為拍劇同拍戲大有不同，演出相異亦非常有趣好玩。
話晒都係歌手出身，柏豪近年繼續發展歌唱事業，《我的宣言》唔止係佢認為嘅里程碑，仲係陪住唔少歌迷成長嘅必聽歌曲。
即將於香港舉行見面會嘅佢，亦解釋活動同演唱會嘅分別，除咗會為大家演出之外，仲有大量唔同活動，不論場外場內大家都可以盡情享受，以「綻放」作主題亦有特別意義。