台灣女星大S徐熙媛去年初喺日本離世，細妹小S徐熙娣因受喪姊之痛而停工多時，就連一直主持嘅節目《小姐不熙娣》都要暫時由吳姍儒、及薔薔代班。喺過去一年，小S甚少公開露面，只曾喺金鐘獎以及囡囡畫展現身。
直到上個月，小S宣布正式復工，將正式重返節目，呢個消息都令一眾觀眾好驚喜，亦好期待小S嘅回歸！
日前小S就喺社交平台出Post，並配文：「生活裡難免有疲憊、有壓力，但我依舊把自己的狀態照顧得很好，因為我值得！」、「準備好回歸舞台」，雖然係產品廣告，不過由自拍可見佢氣息狀態極佳，相信佢已經開始走出低落，重拾回到幕前嘅信心。
喺大S紀念雕像揭幕後，突然有台媒傳出S媽黃春梅疑似要同女婿具俊曄爭遺產之嫌嘅報道，S媽同小S相繼發聲闢謠後，S媽近日亦喺社交平台分享同雕像合照，並配文：「親愛的寶貝：台北天氣不錯、媽媽來金寶山看妳、一上山、卻一片悽風苦雨、媽媽心中也苦不堪言！幸而有很多愛妳的粉絲依然來送花、看妳。」 S媽喺文末以阿德（韓文：兒子）稱呼具俊曄：「寶貝：阿德（兒子）感冒了，一樣按時作早餐陪妳吃、我很感謝他。」更承諾會睇住大S一對子女平安成長。
