黃宗澤 現身活動分享管理體重歴程，明白到Keep fit係藝人終身事業，所以佢都好努力保持身材，更透露佢細個時曾經都係肥仔一名，仲被人笑佢肥到似迷你版鄭則士，雙眼仲矇到好似一條線。講到瘦身，Bosco就覺得男性比女性更艱難，因為一剝衫就要有腹肌、胸肌同埋要夠乾身，對男性嚟講呢個訓練最少都要幾個月嘅工程，若果為工作需要，Bocso都唔介意公開騷肌。
今個農曆年Bosco同三哥苗僑偉仲有發哥周潤發一齊食開年飯，令佢秒變小粉絲，仲親自招呼貴賓，Bosco興奮表示能夠同發哥、三哥同三嫂食飯，真係發達兼行運，發哥仲向佢哋分享以前拍攝嘅工作經歷，又豪無架子地落手一齊食飯噒骨，見佢食得好開心，令Bosco都好有滿足感。
