3月10號係劉洋44歲生日，大批中聲戰友 李金凱 黃博 譚輝智 羅逸軒 等，仲有評判 肥媽 同 周國豐 導師 韋綺姍 車婉婉 以及 黃日華 同黑妹 李麗霞 ，以及一眾粉絲就為佢搞咗個盛大嘅生日會慶祝。
劉洋表示，呢次係自己第一次喺香港過生日，大家都令佢非常感動。 喺生日呢個大日子，劉洋另一半當然有在場！劉洋更喺台上大唱情歌《五十年以後》公開向老婆示愛。劉洋仲話，會報名參加《中年好聲音》，完全係多得劉太以不惜分手都要佢去報名為鼓勵，所以佢都向所有男士表示：「聽老婆話，事業蒸蒸日上。」
劉洋全晚滿場飛，由台上唱到台下，就連華哥都被現場熱烈氣氛感染，大開金口連唱多首歌，包括《卡拉永遠OK》、《鐵血丹心》、《世間始終你好》，令全場High爆。
