熱播劇《臥底嬌娃》一眾演員出席宣傳活動， 陳瀅 羅毓儀 同 鍾柔美 唱住歌出場，非常有女團架勢。大家喺活動上玩得落力， 馬貫東 為咗估邊個係陳瀅，仲做出好大嘅犧牲被 吳子冲 以及 侯雋熙 等男演員舐手、錫手，就算除低眼罩都被 關曜儁 錫咗啖，睇到現場觀眾尖叫連連，阿東喺事後都大叫：「好核突啊！」
陳瀅喺劇中暗戀阿東，大家都好期待呢一對嘅發展，就連關曜儁都話睇呢一對睇到好心急，仲好期待二人嘅化學反應。阿瀅劇透，之後會有一場係自己醉後吐真言，會同阿東講心聲，佢都好期待呢一幕播出。
吳子冲就會周旋喺Yuki同Yumi之間，Yumi就話初初同子沖對戲，心情非常緊張，因為子冲有種惡惡地氣場令自己好驚。子冲更透露，佢同Yumi喺劇中嘅關係好深，仲有一條伏線喺其中，大家睇落去就會發現。
《臥底嬌娃》逢星期一至五 20:30 翡翠台