90年代港產片女神王祖賢，自2004年息影移居加拿大後就極少喺公開活動現身，間中先會喺網上同粉絲互動。
不過喺早前，王祖賢就開始內地影音平台帳號，吸引過百萬粉絲訂閱，佢又喺今年年初現身美國，出席一個中醫論壇活動，分享引退原因。 近日王祖賢就喺溫哥華舉行「頌缽療癒養生分享會」，分享透過頌缽對身心靈修行嘅裨益同感悟，更被參加活動嘅影迷拍片上載到社交平台，引起不少網民關注討論。
喺頌缽分享會上，王祖賢盤膝而坐，佢嘅白色薄紗新中式造型相當古典高雅，亦挽起長髮插上髮簪，睇起嚟真係好仙氣！甚至令大家聯想起佢所主演嘅經典電影《倩女幽魂》當中嘅聶小倩，大讚有回憶殺感覺！
