阿燦用大半年打造出飲食王國，喺國內開燒鵝店，亦計劃喺大馬開魚蛋檔，希望大家可以食到高質量又健康嘅食品。
而面對現今經濟不景氣，唔少食店都做唔住嘅現象，阿燦就認為凡事有危就有機，危機亦係一個轉變機會。佢更以自己做例子，舉例：「如果阿燦仲喺度，就唔會有周星馳，因為阿燦係票房保證。」
萬事都會有強極必衰現象，呢個係宇宙定律。 阿燦亦重提破產一事，佢解釋當年係幫一個要買車嘅朋友做擔保，結果朋友冇供，自己亦忙緊由香港搬到大馬，所有舊信寄曬去香港屋企，加上佢係明星，所以追數嘅人就會搵佢。
阿燦曾自爆有痛風又中風，而家佢身體已經恢復得七七八八，更認為自己係一個有福氣嘅人，以前可以為大家帶歡樂，而家嘅夢想就係為大家帶嚟好嘢食。