鄭秀文謝票獲粉絲神還原角色造型 對啟德開騷一事口密叫大家儲定錢

鄭秀文 主演嘅電影票房節節上升，Sammi日前就同電影團隊到戲院謝票兼一齊公布票房錄得好成績。Sammi獲粉絲以戲中嘅造型現身謝票場，令佢又驚又喜， 仲大讚大家好有誠意，特别係有一位男Fans由重慶飛嚟香港，令Sammi好感動。

Sammi戲中嘅角色令觀眾印象深刻，出街時大家見到佢就嗌V姐多過叫阿Mi，Sammi笑言，希望大家喺佢唱歌嘅時候記得佢係歌手，但好開心大家對戲中角色咁上心，仲會想追睇每個角色嘅故事，得到嘅所有嘢都超乎想像。

Sammi早前暗示可能喺啟德主場館舉行演唱會，呢日再被追問開騷一事，Sammi就話自己冇暗示開Show，不過大家可以儲定錢！當Sammi被旁敲側擊問開Show日期時，佢就話好快，大家唔好咁心急。