陳敏之與老友相聚獲補祝生日個人事業發展有聲有色

陳敏之近年嘅直播帶貨事業做得有聲有色，除咗帶貨事業發展理想外，敏之更獨資7位數創立自己嘅護膚品牌，工作真係忙個不停！不過忙還忙，同朋友見面相聚時間都要有嘅！

敏之同老公日前就同多位好友食飯，當中包括：蕭正楠以及黃翠如夫婦、胡定欣以及老公陳醫生等。佢更喺社交平台分享多張合照同美食相，並撰文：「天天也是生日天。雖然我是一月寶寶，但好朋友也可以常常一聚，多謝你哋同我慶祝。」感謝好朋友為佢呢位一月壽星再過一次生日！

廣結好友嘅佢，仲獲朱晨麗、林子善、謝安琪、關心妍等藝人留言，祝福敏之生日快樂呀。