金金 呢日官仔骨骨出席一個頒獎禮，因為佢嘅歌迷會「豪吧」，連續第二年得到「卓越支持社企機構大獎」，創下娛樂圈首次有歌迷會蟬聯嘅紀錄，唔怪得Ramon喺頒獎禮上笑得咁開心啦！
講到開心事又何止一單？Ramon同譚輝智日前宣布將會攜手喺紅館開騷，兩位前後屆中聲舞王踏上紅館舞台，跳舞就一定唔少得，至於跳咩舞Ramon就話要再研究，不過無論佢同輝智跳咩舞，相信粉絲都一定好受落。
男歌手開騷少不免會被問到騷肌問題，Ramon話其實自己平時都有做開gym，仲話自己而家嘅身形係「前所未有咁firm」，睇嚟各位蠔殼真係可以期待下啦！
