一部以古代宮廷為背景嘅原創音樂劇6月將會公演，呢日有份演出嘅 劉洋 谷婭溦 胡渭康 梁兆明 黃建東 等現身宣傳活動，首次同兆明哥合作嘅溦溦，呢次會飾演一名市井女子，佢哋兩位更會跨界合唱主題曲，溦溦都覺得係一次好新鮮嘅體驗。
劉洋、胡渭康仲有東東就會喺劇中大鬥演技，首次演古裝音樂劇嘅劉洋都大感興奮，為咗令劉洋嘅廣東話更進一步，胡渭康同埋東東竟然話，如果佢講普通話嘅話，一個字罰一蚊喎。
啱啱先參加完《中聲4》嘅東東，又要迎接音樂劇新挑戰，東東都覺得係好好嘅時機，佢仲預告自己會出演一個搞笑角色，希望到時加入一啲搞笑嘅構思，仲話唔排除Rap吓呀。