長澤正美新婚唔休息繼續做 為合作廿年品牌拍廣告

38歲嘅日本影后 長澤正美 今年1月宣布與43歲電影導演福永壯志成婚，仲一度有傳佢將會停工一段時間，陪老公到加拿大拍攝美劇。雖然新婚冇耐，不過近日長澤就接拍咗全新飲品廣告，因為佢同呢個品牌感情深厚，已經代言長達20年！

長澤話由拍第一輯廣告開始到宜家，最大改變係自己變得成熟，而最難忘嘅事就係喺呢個系列中飾演母親，呢個都係佢作為演員第一次嘅體驗。 長澤形象健康，平時都有運動習慣，而每年冬天佢一定會做嘅就係滑雪！佢仲話滑雪係近年最期待嘅活動，亦想試試新嘅雪上運動，所以嘗試咗雪鞋健行，令佢覺得好好玩、好舒暢。