鄭秀文早前喺電影宣傳時，被問係咪今年內再開演唱會，全程笑笑口支吾以對。事隔數日，Sammi終於宣布將於7月中舉行亞洲巡迴演唱會，亦係佢首次踏足香港啟德主場館開騷。
Sammi喺社交平台發放宣傳片，先以高空視覺拍攝啟德主場館外貎，場館外牆燈光顯示Sammi演唱會，繼而係之前演唱會嘅精華片段。
Sammi寫上「人生第一次『啟德』開show」，又約定上次錯過咗香港同澳門嘅歌迷，或者想再一次感受澎湃、興奮、感動，一齊見證佢演藝生涯嘅新里程碑，亦係跟歌迷之間一場重要嘅約定，佢承諾將最好嘅自己交出👊😊，喺舞台呈現最佳狀態。
