楊千嬅日前喺北京一座古樸嘅四合院，舉行一場別開生面嘅新歌直播音樂會，兼宣傳自己首新歌《回歸一塊小石頭》同巡演計劃，當地天氣嚴寒，千嬅喺綵排時，更第一次遇上春雪，喺白雪紛飛嘅氛圍下唱歌，千嬅都話好有feel、好難忘。
講返呢首新歌，千嬅話歌曲好有意思，令佢從石頭感悟人生哲學，佢覺得人生永遠生活喺「然後」裡面，下一分鐘點度過就係一個選擇，最後都係一個過程，經歷好多內耗，就算得到或失去，無需要太執著。
至於呢首歌嘅誕生，千嬅就話其實背後亦有一段故，佢透露呢首歌其實早喺MY TREE OF LIVE 巡迴演唱會期間，當時樂隊成員葉崇恩創作咗一段用喺《小城大事》間場換衫時嘅音樂，千嬅話喺台底聽到呢段旋律，都覺得好動聽，萌生念頭：「咁好聽，應該可以發展成一首歌。」千嬅嘅諗法終於成真，而有呢首新歌嘅誕生呀。
