呢日TVB Canteen特別熱鬧，事關無綫電視愛心義工隊呢日舉行「春日甜蜜蜜」嘅活動，黃庭鋒、倪嘉雯仲有李海銅亦有落場一齊擺檔，佢哋仲親自炮製龍鬚糖、棉花糖、爆谷同糖葱餅呢啲懷舊小食，真係成個美食嘉年華咁熱鬧呀﹗庭鋒話自從拍完《香港原味道》時，都未再食過同整過龍鬚糖，至於Carmen就好開心，呢日可以落手去整懷舊小食，佢話係一次難得嘅體驗。
有好嘢食，梗係吸引唔少同事嚟捧場啦，連丹爺劉丹同埋阿滕滕麗名都走嚟湊吓熱鬧呀，佢哋話呢啲懷舊小食，真係充滿住滿滿嘅回憶，阿滕仲分享咗爆炸糖嘅童年趣事呀。除咗丹爺同阿滕之外，周國豐都唔執輸，仲話要試下庭鋒自創嘅爆炸糖龍鬚糖呀﹗
