「方中Sir」 許紹雄 離世距今轉眼4個多月，而佢嘅家人曾公開提過，Benz雄嘅社交平台會一直保留予大家懷念。近日社交平台更自佢離世後更新，囡囡 許惠菁 代宣傳父親即將播出嘅遺作《正義女神》。
日前公開嘅預告中，見到 佘詩曼 飾演嘅 言惠知 向Benz雄 飾演嘅 洪思義 解釋自己嘅標準，呢對相識多年嘅拍檔最後一次於鏡頭前合作令人期待，亦相信佢一定默契十足，為故事中嘅人物伸張正義。
新劇即將於翡翠台播出，Charmaine指會代亡父宣傳最後演出嘅作品，希望大家支持呢位為大家帶來過無數笑聲嘅香港重要演員。
