蔡卓妍 衛詩雅 同 黃又南 去到商場宣傳佢哋主演嘅電影《再見UFO》，吸引大批粉絲到場支持偶像，不過活動開始前就發生驚險事件，現場有位著住粉色裙戴長假髮嘅女士不停叫囂，仲向Michelle同又南掟膠樽，令場面一度混亂，之後該名女士更除低假髮露出Skin Head。
Michelle話事情發生一刻嚇到唔識反應，唔明點解嗰位女士要鬧自己「搶佢老公」，又南話以為粉絲想請自己飲嘢，後來先球覺係攻擊事件。當時避過一劫嘅阿Sa就話自己都曾經試過開騷俾螢光棒掟中，不過相信粉絲都係因為太熱情，並非有惡意。
呢部作品拍咗8年後終於上畫，三位當然好開心，而Michelle嘅開心事唔止一單，事關佢老公啱啱過咗生日，Michelle好用心幫老公安排由朝到晚嘅驚喜，包括帶佢去買禮物，又約晒成班朋友幫佢慶祝，仲特製咗一個好有心思嘅蛋糕，真係夠晒sweet。
