新加坡天后 孫燕姿 相隔12年再來港開騷，喺啟德主場館舉行兩場演唱會。開騷前一日，周星馳喺IG po出同燕姿嘅搞笑合照，星爺以當年《家有囍事》嘅絲襪笠頭經典造型上陣，揸住條蕉玩打劫話自己要搶飛，仲話最後成功搶到10張飛，唔知星爺會唔會真係隱身觀眾席欣賞燕姿嘅演出呢？
香港係燕姿2026年巡迴演唱會嘅第一站，佢開場就連唱多首大熱歌曲，之後仲用廣東話同大家傾偈，話好掛住大家，又邀請全場歌迷陪佢一齊大合唱，而歌迷亦不負所托，將啟德主場館變成超大型卡拉OK。
燕姿全晚經典歌盡出，《我要的幸福》、《超快感》、《我的愛》、《遇見》、《逆光》等金曲連發，總有一首會勾起你嘅回憶。Encore環節燕姿為大家送上當年初出道就一炮而紅嘅《天黑黑》為演唱會畫上完美句號。
