韓國女團MAMAMOO隊長 頌樂 推出第二首中文單曲《總有一顆屬於你的星球》，邀請人氣樂隊 告五人 合作，中文越來越好嘅頌樂，更首次嘗試寫中文歌詞：「寫中文歌詞真的非常難，一開始我先想韓文歌詞，再翻譯成中文。」
呢首新歌唔止歌名好長，歌詞部分有好多字都好難發音，但頌樂嘅表現就令告五人都忍唔住要俾100分，犬青讚佢「發音超乎預期的完美」，不過頌樂就投訴雲安錄音過程「比較嚴格」喇！
作為女團成員，頌樂嘅舞蹈實力不在話下，佢仲主動請纓話要做告五人嘅舞蹈老師，大家可以期待下佢哋嘅下一首合唱歌，分分鐘就係舞曲。
