台灣女星 許維恩 早前出Post自爆罹患乳癌並已經進行手術嘅消息，日前佢喺一個乳癌防治活動公開露面，老公 王家梁 更化身司機親自接送。維恩透露目前恢復進度外亦感謝各界關心。
佢形容確診時心情難以置信，雖然速速同醫生約談，但返到屋企時心情仍然好低落。而手術後老公更一度忍唔住落淚，搞到佢要「警告」老公唔可以喊，因為自己已經好痛咁話。維恩面對癌魔時心情豁達，亦做好最壞打算，期間更為女兒忒忒嘅未來做好安排。
知名綜藝主持人沈玉琳去年突然罹患血癌，經過大半年治療後，近日正式復出。維恩就話，二人由主持變成病友，喺治療期間都有同沈玉琳聯絡，仲得到佢嘅鼓勵。
