因為笑容甜美而一直大受歡迎嘅 陳茵媺 自2013年與 陳豪成婚後，就逐步減少幕前演出，專心照顧兩子一女嘅起居同教育，直至2022年先再同老公夫妻檔上陣合演劇集《羅密歐與祝英台》。
Aimee亦開設內地社交平台，不時分享生活，不論係同老公嘅甜蜜時刻、保養小秘訣、運動貼士等統統有齊，而早前佢重現當年自己經典角色嘅表情就依舊得人鍾意，但係就惹來部份網民批評佢髮型唔自然喇。
一直喜好清爽短髮嘅Aimee一於少理，雖然已為三孩之母，不過一直保養得宜，佢於社交平台公開於銅鑼灣街頭拍攝嘅幾張簡單靚相，就輕易將批評一掃而空，身穿一襲貼身長裙嘅佢，婀娜曲線一覽無遺，簡單Pose風彩可以話橫掃當區女士，輕倚欄杆已吸引力十足，難怪陳豪當年會被Amiee呢位一笑就自帶腰果眼嘅港姐冠軍迷倒裙下喇。
