英皇娛樂嘅25+英皇群星演唱會，5月初就於啟德舉起行，日前嘅優先訂票已火速售罄，主辦單位公佈，門票3月18日早上可經指定信用卡優先搶購，19日上午公開發售。
主辦單位嘅連串宣傳活動已經開始，第一炮盲盒活動推出香港有史以首架電車Disco，將電車變成舞池，沿路公眾同Fans齊齊狂歡，熱爆DJ組合「節拍星期五」（Beat Friday），同 曾比特 許靖韻 VIVA 成員 姜咏鑫（Ada）、馬思惠（Macy）、張鈊貽（ValC） 仲有 黎展峯 同 黃明德 一齊現身，大家登上專屬電車，由銅鑼灣電車站一路巡遊至屈地街車廠。
大批Fans一直沿線守候等候偶像出現，幾位藝人登上電車前，又快閃銅鑼灣行人專用區派紀念品，又同大家合照同簽名。
Mike期間話：「公司盛事各位大師兄大師姐都出動，我成日比人問會唔會加場，可以同大家講如果加場我實會唱足咁多場！」 佢仲大爆：「Beat Friday 為今次全新創作咗一首經典金曲串燒Remix，我喺電車上面已經試聽，聽講好快就會推出。」而不時周遊列國嘅Angela就話：「放完假返嚟已經ready好心情開工，但今日電車活動竟然係咁chill ，直情係寓工作於娛樂！」 。
呢日VIVA「三缺一」，不過Ada、Macy同ValC就笑言，Carina位置暫時由Angela頂上。曾於利東街快閃跳舞嘅哋，仲話要同Angela於電車上跳《FOMO》！而自中學時期就開始busking 嘅Dark就話：「如果大家有睇我哋公司社交平台，就知我哋成日都畀枉阿姐叫落區做任務，好似街頭訪問、點歌環節，整蠱路人咁，所以我簡直係銅鑼灣地膽。」
至於Andy就表示：「我有去過Beat Friday嘅party，氣氛真係好正，聽到自己嘅歌《我需要哭》被重新演繹，令首歌即刻冇咁悲傷，變成一隻『跳得』嘅悲情歌，佢哋嘅 party簡直係失戀靈丹！」
而剛巧於上環準備開工嘅張敬軒，知道電車即將駛到，仲停低於街頭等待仲興奮打卡！軒仔驚喜出現令一眾師弟師妹驚喜非常，場面有趣！
除電車派對外，淺水灣灘畔商場亦會成為限定慶典據點，嘉年華以25+慶典為主題，更將有藝人神秘嘉賓落場齊齊玩，為Fans 打造近距離互動機會。