身為土生葡人嘅 古淖文 雖然主力於香港發展，不過身為澳門藝人一份子嘅佢，近日於澳門演藝人協會第六屆理監事就職典禮，獲委任為名譽會長，與新一屆會長同主要職員一齊接受委任。
2006年於澳門出道嘅German，年前參加《中年好聲音2》勇奪冠軍，自始亦不時參與澳門唔同活動，German亦不時落力為澳門宣傳，好似新春期間佢亦參與當地舉行嘅花車活動喇。
German現身就職典禮，見證新一屆內閣就任之餘，亦獲頒發聘書，成為2026至2028年度第六屆澳門演藝人協會名譽會長，佢亦留言寫道：「能夠成為本會其中一名名譽會長感到非常榮幸，感謝你們的邀請，入場嗰刻有點感動，見到澳門artist人才仔仔(濟濟)，大家都為自己夢想奮鬥同努力各位加油一齊加油
P.S.: 希望大家可以多d留意澳門artist
