6月將與 羅啟豪 合作展開紅館演唱會嘅 譚輝智 推出全新單曲《娛初》，新歌向每個時代嘅大娛樂家致敬，鼓勵大家於音樂同舞蹈中尋找快樂與自信，重溫娛樂初心。
《娛初》歌詞描繪人喺各種困境之中，透過音樂釋放內心嘅壓力。輝智以細膩又充滿感染力嘅聲音，帶領聽眾走入佢充滿熱情嘅娛樂世界。輝智更道出由細到大，大家於不同時代中嘅歌聲裡成長，而佢心底更蘊藏著想唱就唱嘅小小夢想。
長大後，現實變真實，生活安穩嘅框框壓住夢想翅膀……但只要夠勇敢，歌聲就可以於四面台重生，在舞台上發光發熱！
輝智希望送新歌送予仍在猶豫嘅人，希望大家可以： 衝破自我，放大內心，為夢想拼盡，一如出生最初，毫無顧慮咁釋放。
MV中輝智特別加入珍藏嘅童年照片，同廣大樂迷分享成長軌跡。由稚嫩臉龐到眼神堅定，每一張照片彷彿訴說佢由小立志踏上歌手之路嘅故事，印證佢對音樂初心從未動搖。
