韓國著名演員 李英愛 喺2003年主演嘅劇集《大長今》，當年播出時掀起一股「長今熱」，喺各地播出時都創造出收視奇蹟，而當年TVB播出時，最高收視更有50點。除咗收視創下奇蹟外，劇集更洐生出1119億韓元收益，劇中嘅取景地至今仍然係遊客嘅打卡熱點。
myTV SUPER重溫《大長今》
李英愛日前就同友人重遊於濟州島嘅《大長今》拍攝地，佢仲同自己喺當地嘅海報同立牌合照。現年55歲嘅愛姐，拍埋去當年32歲所影嘅海報前，愛姐個樣完全無變，連條皺紋都冇。愛姐喺帖文中表示：「장금아~!!! 이게 얼마만이냐 ㅠㅠ 반가워서 눈물나고,,,, 뭉클해,,,（長今~!!!好久不見ㅠㅠ見到你我真的太開心了，眼淚都快掉下來了……我好激動……）」。愛姐此post一出，即勾起網民當年嘅追劇回憶，紛紛留言分享當年同家人追劇嘅心情。
