TVB熱播劇《臥底嬌娃》一眾演員呢日現身商場出席宣傳活動，馬貫東、羅毓儀（Yuki）及黃子恆以別開生面方式跟觀眾見面，呢日大會率先播出，馬貫東同張曦雯喺陳瀅面前咀嘴嘅片段，引嚟全場起哄。
主角之一嘅張曦雯因航班延誤嚟唔到出席，馬貫東笑指當刻只係錫咗落「人中」位置，話比較鍾意人忠厚啲。馬貫東除咗同兩位女主角有感情線之外，劇中飾演妙姿摯友蘇嘉盈嘅李海銅，與馬貫東嘅關係亦令人期待。
myTV SUPER重溫《臥底嬌娃》精彩內容
馬貫東與李海銅呢日玩遊戲親密互動，話現實中嘅擇偶條件係睇對方性格，而吳子冲同Yuki被封為治療系CP，二人甜蜜互動睇到網民心心眼，當中有一個場口係Yuki可愛扮貓，瞬間成為熱話，話畫面甜到漏，原來呢場戲係好早拍，當時佢仲未揣摩到童小茹嗰種可愛，導演嫌唔夠可愛，不斷NG再嚟！
鍾柔美（Yumi）事業學業兩兼顧，子冲同Yuki都好佩服Yumi呀，Yumi話試過連續3日冇瞓，又試過一邊做功課一邊等埋位拍攝。
《臥底嬌娃》逢星期一至五 20:30 翡翠台