一間曾拍攝多部知名電影嘅製作公司，宣佈將開拍華語版《夜班經理》，彭于晏、劉青雲、梁洛施 與 李若彤 等參與演出，《夜班經理》改編自經典小說，華語版將由曾執導《手捲煙》嘅 陳健朗 導演。
製作單位公佈嘅全新陣容包括資深演員 陶大宇 飾演全新角色江來發，係核心反派 劉青雲 嘅舅父。大宇同劉青雲其實係1983年無綫藝員訓練班同期同學，今次係兩人時隔近35年首度同框合作，堪稱「港劇回憶殺」。
曾憑《台灣犯罪故事》榮獲2024年亞洲電視大獎最佳男主角嘅馬來西亞實力演員 李銘忠 ，將飾演陶大宇身邊忠心耿耿嘅助手同安全顧問，其冷硬細膩嘅演技同角色高度契合。而擁有哥斯達黎加華裔血統嘅 盧慧敏 ，於劇集首集出演關鍵角色阿寶，同彭于晏有不為人知嘅過往，亦係推動對方展開臥底行動嘅核心關鍵人物。而同Amy一樣曾同彭于晏合作嘅 吳嘉龍 就扮演背負黑暗秘密嘅愛爾蘭影子特工。
李若彤所帶領嘅廉政公署團隊成員亦正式公布 陸駿光、朱天、與曾入圍金馬獎及金像獎最佳女配角嘅 鄧濤 三人將飾演ICAC調查員。
劇集分別於香港、澳門、曼谷、北碧府同布吉取景，將呢本經典小說重塑成為橫跨亞洲嘅諜戰驚悚鉅作。呢部12集新劇預計明年底將會正式公開。