謝婷婷自幼係網球健將，早年喺加拿大讀書時期，經常參加比賽兼屢獲殊榮，現時仍會抽空練習，努力保持水準，今日佢喺社交平台貼出一條影片，罕曬混血B仔Brooklyn Milne正面呀！
片中見7個月大嘅阿仔乖乖坐喺場邊為媽媽打氣，全神貫注咁望住媽媽揮球拍，絕對係媽媽嘅小fans，由於該影片係爸爸揸機，B仔亦有開心回望，見BB眼仔睩睩，擁有長眼睫毛，面珠嫩滑，生得非常可愛。
婷婷於2019年生咗阿女Sara，淡出幕前並移居加拿大生活，去年2月高調戀情，更為外籍伴侶生咗阿仔Brooklyn Milne，婷婷升呢人母後並冇放棄打網球，於2016年喺內地綜藝節目《來吧冠軍》與前職業網球運動員李娜對打，獲對方讚有潛質，近年參加網球比賽更多次奪獎，曾奪得女子40歲組別雙打冠軍。
