2026年一級方程式賽車啱啱喺上海圓滿落幕，除咗謝霆鋒亮相引起話題，仲有多位名人紅星齊集上海，包括兩位高人氣韓星丁海寅，以及Stray Kids嘅成員Felix，分別以唔同品牌大使嘅身分擔任觀賽嘉賓，星光熠熠嘅明星效應令唔少非賽車迷都聚焦上海。
擁有賽車手身分嘅港台兩位天王郭富城同林志穎，當然都唔會缺席呢個盛會，二人分別喺社交平台上載多張同車手以及其他藝人嘅合照，當然都唔少得二人同框照，兩位港台不老男神代表夢幻聯動，令唔少粉絲暴動。而喺林志穎上傳嘅相中仲驚喜見到吳彥祖。
林志穎身為台灣第一位受薪嘅職業方程式賽車手，今次就以法拉利車隊車手身分擔任頒獎嘉賓，而佢近日先豪擲2億台幣購入全球限量 799 架嘅法拉利旗艦超跑 Ferrari F80，展現其雄厚財力。 事實上林志穎同法拉利有好深嘅淵源，由23歲佢購入第一架法拉利開始落場比賽至今，已經接近30年。
