啱啱喺啟德開完音樂見面會嘅 周柏豪 ，第二日又馬不停蹄出席相集簽書會，吸引大批fans排隊輪候，現場真係好熱鬧。見到大家群情洶湧嘅熱情，柏豪都好貼心咁行近fans群，同佢哋打招呼同影相。
不過柏豪呢日狀態就似乎唔太好仲聲沙沙，原來係佢之前病咗未完全康復，雖然有幾日可以休息吓，但柏豪反而覺得工作先係休息，事關佢話喺屋企又要湊小朋友、又要揸車，仲要做埋訓導主任同康樂組，所以佢覺得返工先有Me Time 呀﹗
講返相集，柏豪話本書盛載住自己嘅青春嘅回憶，每張相都好值得紀念，無論對佢或fans嚟講，都係相當有意義呀。至於音樂方面嘅工作，柏豪話佢會繼續創作更多好嘅作品畀大家聽。